တွေ့ဆုံခွင့် မရခဲ့ပေမယ့်
ကိုယ့်ရင်ထဲက အရင်းနှီးဆုံးချစ်သူ
ခုချိန်ခွဲခွာရပေမယ့်
တနေ့တို့တွေပြန်ဆုံမယ်လို့
ယုံကြည်နေတယ် ချစ်သူ
အဲ့ဒီတနေ့အထိ
မင်း နှလုံးသားလေးတည်ရှိရာ
ဘယ်ဖက်ရင်အုံဆီက
အနက်ရှိုင်းဆုံးနေရာလေးကို
တစ်ဦးတည်းမူပိုင်အဖြစ်
သိမ်းပိုက်ခွင့်ပြုပါ ချစ်သူ
သူတို့တွေလို
အချစ်လို့အဓိပ္ပာယ်ဆောင်တဲ့
တပ်မက်ဖွယ် အနမ်းတွေ
ကိုယ်မပေးတတ်ဖူး ချစ်သူ...
ဖြူစင်တယ်လို့ အာမ မခံနိုင်ပေမယ့်
ပါးနှစ်ဖက်ပေါ် ပေးမယ့်ကိုယ့်အနမ်း
ရမက်တွေ ကင်းပါတယ် ချစ်သူ
ကိုယ်ပေးပို့လိုက်တဲ့ အနမ်း
ပါးပြင်နှစ်ဖက် နွေးထွေးသွားတိုင်း
အသိမှတ်ပြု လက်ခံပေးပါချစ်သူ
အဲ့ဒါ ကလေးဆန်ဆန်
ကောင်မလေးတယောက်ရဲ့ ချစ်ခြင်းမို့ပါ
No comments:
Post a Comment